معاني الكلمات : قردنه : محاولة اقناع جاده يتخللها وضع اليد على الكتف مع تــنــزيل الرأس وكأنك بتقول سر للطرف الآخر مع الاتجاه ( لقرنة ) الغرفه.
خامسا : ملابس ليلة العرس :
بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه ) على الشعيرات اللي بصدرك .
تنظفوا ( لمتي ) اعلمكم ... همااااه ؟
بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك ...اللي اسود وابيض ويتطببون على المسبح في النادي من جماعة ( هاااااااااااااااااي شله )..
2 -
انتبه تصير قروي وتلبس سروال ابو حبل ذاك اللي يخليك كأنك بقره رايحين يبيعونها ، او بيجامة نوم مخططه فتصير كأنك ( حمار وحش ) يتكلم عربي.
اختر اللبس المناسب لجسمك ..
مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام..
وفاجأها في الصباحية .
إذا كنت سمين البس ملابس فضفاضة شورت وفانيلة X X X L
3 –
للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟
ترى الموضة كذاااااا وتطوروا بأأأأأأ عجزت اعلّم فيكم .
إذا لبست لك المدام ( قميص نوم راااايق ) ترى مو معناهاااا ( طب عليّ ) .. خلك ثقيل وإلا جيت هالحين أربط ثقالات برجليك.
ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع ).. قال العم : اكيد انها داشره ؟ وحركاتها ما ني متطمن لها << طيب يا كولومبو.
<<<<< احتمت ( كبدي ) يوم سمع القصة من القهر .
سادساً : الخطة المحبوكه للقاء الحميمي :
حذاري ثم حذاري وهذاني اقول لك ( حذاري ) .. تتحرش بالبنت جنسيا حتى لو كانت زوجتك .. فكما يقال ( احذر ان تبدأ حياتك الزوجيه بحادث اغتصاب ).
لان البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك .
2 -
اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك الكسر ( ممدين ) همااااه .
3 -
اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِ ولا تجلس تجرجر بالبارتشنز وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس ( صنادق حمام ).
اركد وخلك طبيعي وإلا قالت البنت وش ( هالعومه ).
4 -
في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياهااا ( كوفي شوب ) وانتبه تقرأ الجرايد او المجلات , وعطها وقتك كله.
<<<<<<< آل يعني الثقافة مقطعه بعض .. طرّاه انه بيقرا مجلات وصحف في اول عزيمه بكافي شوب.
5 – اليوم الثالث :
حاول تسافر بها عمره بعدين لمدينة جده لسكان المملكة العربية السعودية .. او مدينة اخرى لسكان الخليج .. او ( لقريح وابو زنه لباقي الدول ).
6 –
انتبه تسافر بالمدام شهر عسل .. لا يلعبون عليك .. شهر العسل برأيي يؤجل إلى ان يتم دراسة المرأة هل هي تكانه وإلا ( برتكانه ).؟؟
بعدين ممكن تصير مواقف بالسفر ما تلقون لها حل .. او سوء فهم فما يترقع بعد ما ترجعون .
شهر العسل اصلا بيكون كله مجاملات ولا تهمك الافلام الهندية تقعد تحسب انك تبي
( تدربي ) من فوق جبل وتمطر عليك انت وياها وانتم ترقصون.
ترى كله ( كوذاااااب × كوذااااب ) هيااااا سمعت مني وإلا .. لا ؟؟؟ اللللللله يستتتتتتورررر عليك.
<<< يجيد اللهجات المحلية.
وابدا بالمدام بالمدن القريبه ثم ابعد فابعد إلى ان توديها إلى ( هاواي ) إن بغيت .. هذا كله مثل ما قلنا إذا صارت تكانه ..
يعني ايش تكانه ؟ يعني ماهي علة وريد ، او لحوح لدرجة تقترب من صفات ( القراده ) او ( غيور وشكاكه ) لدرجة ان عيونها تلاقط في كل مكان.
إذا صارت احد الانواع السابقة فشقق جوازك وما جاك عندي .
6 -
اللقاء الحميمي لا يمكن تحديد الوقت المناسب له .. بل يعتمد على الظروف والمتغيرات والتي لا يمكن ان اعرفها فأنت الذي في ارض المعركه ، فحدد أنت ؟ لانه لا يمكن يجي احد يحارب عنك .
واللي ما يجي اليوم .. يجي بكرا
سابعا : خزعبلات ليلة العرس ومفاهيم لك عليها :
الطحينية تقوي الجنس .. انتبه تأكلها لانها بتشب وتحمي ( كبدك ) وبتجلس تصبب من العرق عند المدام
من السعرات الحراريه.
2 –
اشرح لزوجتك كل اللي تحبه واللي ما تحبه ليلة العرس وفهمها كل شيء وعلمها الاصول ..
يا اخي لو انها موظف عندك ( كان ) استحيت اول يوم تقوله شيء .. فاول يوم يمكن تاخذه بجوله على اقسام الشركة .
فما بالك بالمدام لا تقعد توريها ( نجوم الظهر ) بانصاف الليالي .
3 –
انسب يوم للقاء الحميمي هو اول ليلة .. انتبه تتوهق بس وخلك رجال واعقل لا يلعبون عليك وتصير ...
4 -
الزواج ( شر لا بد ) منه >>>>>>> لا يلعبون عليك .. تراه زين وبادي يصير ازين وازين هالسنين التاليه
عزيزي العزوبي اتمنى ان تكون استفدت من التلميحات السابقة ..
وعموما تظل هي رأي يعكس
... فقط ..
ان بغيت تستفيد من شيء منها وإلا اضرب بها عرض الحائط وما جاك عندي
والله يعوض عليك في هالوقت اللي راح في القراية
وفووووووووووووووووووووووووووووتكم بعافية
انت عزوبي ... تعال ابيك 
روووووووعه اشوى معي سيارة تواجه,,,
